Azərbaycan Respublikası iqtisadiyyat nazirinin birinci müavini Elnur Əliyev Bişkek şəhərinə səfər edib
30 oktyabr tarixində Bişkek şəhərində Qırğız Respublikası iqtisadiyyat və kommersiya naziri Bakııt Sıdıkov ilə Azərbaycan Respublikası iqtisadiyyat nazirinin birinci müavini Elnur Əliyev arasında görüş keçirilib.
Görüş zamanı Qırğız Respublikası ilə Azərbaycan Respublikası arasında həm çoxtərəfli formatda, həm də ikitərəfli əməkdaşlıq çərçivəsində əlaqələr müzakirə olunub.
Tərəflər ticarət-iqtisadi münasibətlərin daha da möhkəmləndirilməsi məsələlərini müzakirə etmiş, bu xüsusda Azərbaycan–Qırğız İnkişaf Fondunun fəaliyyətinin daha fəal inkişafı məsələlərinə xüsusi diqqət yetirilmişdir.
Görüşün nəticəsinə əsasən tərəflər ikitərəfli əməkdaşlığın daha da dərinləşdirilməsinə, investisiya qarşılıqlı əlaqələrinin genişləndirilməsinə, sənaye, ticarət və iqtisadiyyatın digər prioritet sahələrinin inkişafına yönəlmiş birgə layihələrin həyata keçirilməsinə hazır olduqlarını ifadə etmişlər.
