Kırğız Respublikasının ərazisində olan əcnəbilərin və vətəndaşlığı olmayan şəxslərin hüquqi statusunun tənzimlənməsinə dair
Kırğız Respublikası Prezidentinin 22 may 2025-ci il tarixli, № UP-164 saylı "Kırğız Respublikasının ərazisində olan əcnəbilərin və vətəndaşlığı olmayan şəxslərin hüquqi statusunun tənzimlənməsi tədbirləri haqqında" Fərmanına əsasən, Səfirlik şərəf duyaraq bildirir ki:
Kırğız Respublikasının miqrasiya qanunvericiliyini pozmaqla ölkə ərazisində olan əcnəbilərə və vətəndaşlığı olmayan şəxslərə 2025-ci il 10 iyun tarixinədək öz hüquqi statuslarını leqallaşdırmaq imkanı verilir.
Yuxarıda qeyd olunan Fərmana əsasən, aşağıdakı hallarda olan əcnəbilər və vətəndaşlığı olmayan şəxslər:
-
vizanın və ya yaşayış icazəsinin müddəti başa çatmışdırsa;
-
yaşayış icazəsi ləğv edilmişdirsə;
-
ölkədə qalma hüququnu təsdiq edən sənədlər (qeydiyyat, əmək fəaliyyəti icazəsi) yoxdursa;
-
müddəti bitmiş sənədlərdən istifadə edirsə;
-
qanuni qalma müddəti başa çatdıqdan sonra ölkədən çıxmaqdan yayınırsa;
-
ölkəyə daxil olarkən bəyan edilən məqsədə uyğun olmayan məqsədlə qalırsa;
-
Kırğız Respublikasının ərazisindən tranzit keçid qaydalarını pozursa —
bu hallarda öz təşəbbüsü ilə leqallaşma etdiyi təqdirdə, Kırğız Respublikasının qanunvericiliyi ilə nəzərdə tutulmuş məsuliyyətdən azad olunur.
Kırğız Respublikasının ərazisində qalma hüququnun leqallaşdırılması üçün aşağıdakı sənədlər təqdim olunmalıdır:
-
Səyahət sənədi (pasport);
-
Qalma hüququ verən icazə sənədi (əgər varsa);
-
Daxili işlər orqanlarından leqallaşmanı məhdudlaşdıran hallar olmadığını təsdiq edən məktub;
-
Kırğız Respublikasında qalma hüququnun rəsmiləşdirilməsi qaydasını tənzimləyən normativ hüquqi aktlarda nəzərdə tutulmuş digər sənədlər.