Səfirliyin inzibati binasında H.Əliyevin yeni büstünün açılışı və Qırğızıstan-Türkiyə “Manas” Universitetində “Heydər Əliyev və Azərbaycanın Zəfəri” adlı konfransın keçirilməsi
Səfirliyin inzibati binasında H.Əliyevin yeni büstünün açılışı və Qırğızıstan-Türkiyə “Manas” Universitetində “Heydər Əliyev və Azərbaycanın Zəfəri” adlı konfransın keçirilməsi Səfirliyin inzibati binasında H.Əliyevin yeni büstünün açılışı olmuşdur. Açılış mərasimində Qazaxıstanın, Özbəkistanın, Tacikistanın, Belarusun QR-dakı səfirləri, Şimali Kipr Türk Cümhuriyyətinin QR-dəki ticarət nümayəndəsi, Türkiyə Respublikasının müvəqqəti işlər vəkili və səfirliyin əməkdaşları, TİKA-nın QR-dəki nümayəndəsi, QR-də yaşayan azərbaycanlıların “Birlik” İctimai təşkilatının rəhbəri və üzvləri iştirak etmişlər. 11 dekabr 2024-cü il tarixində Qırğızıstan-Türkiyə “Manas” Universitetində “Heydər Əliyev və Azərbaycanın Zəfəri” adlı konfrans keçirilmişdir. Konfransda Manas Universitetinin müəllim-professor heyəti, Qazaxıstanın Qırğız Respublikasındakı səfiri, Şimali Kipr Türk Cumhuriyyətinin Qırğızıstandakı ticarət nümayəndəsi, Bişkek şəhərinin merinin müavini, Azərbaycan Gənclər Fondunun Bişkekdə ezamiyyətdə olan əməkdaşı, Azərbaycan disporunun nümayəndələri və universitetin tələbələri iştirak etmişlər. 11 dekabr 2024-cü il tarixində Səfirliyin kollektivi Bişkek şəhərində yerləşən Heydər Əliyev adına 20 nömrəli məktəb-gimnaziyada olmuş, məktəbdə qoyulmuş H.Əliyevin büstün önünə gül dəstələri qoymuşlar. Məktəbin yuxarı sinif şagirdləri tərəfindən ümummilli liderin kəlamlarından və həyatının müxtəlif anlarına aid kompozisiya təqdim olunmuşdur. Səfir L.Qəndilov çıxış edərək Heydər Əliyevin xatirəsini əziz tutduqları üçün məktəblilərə və müəllimlərə təşəkkürünü bildirmişdir. O, H.Əliyevin uşaqları çox sevdiyini və təhsilə yüksək qiymət verdiyini bildirmişdir.
