Sığorta müqavilələrinin rəsmiləşdirilməsi
Xarici dövlətlərdə qeydiyyata alınmış və “Yaşıl Kart” olmayan nəqliyyat vasitələrinin sahibləri üçün sərhəd sığorta müqavilələrinin rəsmiləşdirilməsini sadələşdirmək məqsədilə 3 iyul 2025-ci il tarixindən İcbari Sığorta Bürosu www.tpl.az onlayn platformasını istifadəyə vermişdir.
Hazırda sərhəd sığorta müqavilələri Azərbaycan Respublikasının sərhəd-keçid məntəqələrində sığorta şirkətləri tərəfindən rəsmiləşdirilir.
Lakin 1 oktyabr 2025-ci il tarixindən etibarən sərhəd-keçid məntəqələrində yerində sığorta müqavilələrinin bağlanması dayandırılacaqdır.
Bu tarixdən etibarən sərhəd sığorta müqavilələri yalnız əvvəlcədən – www.tpl.az onlayn platforması vasitəsilə və ya Azərbaycan Respublikasının ərazisində fəaliyyət göstərən digər sığorta şirkətlərinə müraciət etməklə rəsmiləşdirilə biləcəkdir.